ПРЫЁМ, ПЕРАВОД І АДЛІЧЭННЕ ВЫХАВАНЦАЎ
Прыём выхаванцаў у ДУА "Лунненскі дзіцячы сад" ажыццяўляецца на працягу каляндарнага года пры наяўнасці ў ім свабодных месцаў і на падставе:
- заявы законнага прадстаўніка выхаванца;
- медыцынскай даведкі аб стане здароўя;
- накіравання ў дзяржаўную ўстанову адукацыі для засваення зместу адукацыйнай праграмы дашкольнай адукацыі, выдадзенае Лунненскім сельскім выканаўчым камітэтам (аг. Лунна, пл.Герояў, 4).
- заключэння дзяржаўнага цэнтра карэкцыйна-развіваючага навучання і рэабілітацыі (для спецыяльных груп, групы інтэграванага навучання і выхавання).
Дакументы для атрымання льготы на зніжэнне аплаты за харчаванне:
- для шматдзетных сем'яў: ксеракопія пасведчання шматдзетнай сям'і, даведка аб складзе сям'і;
- для сем'яў, у якіх 2 дзяцей выхоўваюцца ва ўстановах, якія забяспечваюць атрыманне дашкольнай адукацыі: даведка з установы, што дзіця з'яўляецца выхаванцам; даведка аб складзе сям'і.
Прыём асоб ва ўстанову дашкольнай адукацыі афармляецца загадам кіраўніка ўстановы дашкольнай адукацыі.
Камплектаванне груп установы дашкольнай адукацыі і перавод выхаванцаў з адной групы ў іншую ажыццяўляюцца штогод на пачатак навучальнага года (1 верасня).
Камплектаванне ўстановы дашкольнай адукацыі ажыццяўляецца ў адпаведнасці з пералікам медыцынскіх паказанняў і (або) супрацьпаказанняў для атрымання адукацыі, якія зацвярджаюцца ў адпаведнасці з заканадаўствам.
Напаўняльнасць груп ва ўстанове дашкольнай адукацыі ўстанаўліваецца ў адпаведнасці з Кодэксам Рэспублікі Беларусь аб адукацыі.
Перавод выхаванца ў іншую ўстанову дашкольнай адукацыі ажыццяўляецца:
- па ініцыятыве законнага прадстаўніка выхаванца;
- у выпадках спынення дзейнасці ўстановы дашкольнай адукацыі са згоды законнага прадстаўніка выхаванца.
У выпадку ненаведвання выхаванцам установы дашкольнай адукацыі па ўважлівых прычынах месца за ім захоўваецца на працягу 1 месяца.