ТЫДЗЕНЬ ПЕРАЕМНАСЦІ

"Дашкольная і пачатковая адукацыя − адзіны развіваючы свет – пад такім дэвізам прайшоў Тыдзень пераемнасці паміж Лунненскім дзіцячым садам і Лунненскай сярэдняй школай. Стала добрай традыцыяй праводзіць сумесныя сустрэчы выхавальнікаў дзіцячага сада і педагогаў школы. Тыдні пераемнасці − гэта магчымасць абмеркаваць хвалюючыя праблемы, пазнаёміцца з эфектыўным педагагічным вопытам і вызначыць далейшыя вектары супрацоўніцтва ў мэтах рэалізацыі адзінай лініі развіцця дзіцяці на этапах дашкольнай і пачатковай школьнай адукацыі.

На адкрытым занятаку ў рознаўзроставай групе па адукацыйнай вобласці “Дзіця і прырода” па тэме “На сцежцы лясной" выхавальнік дашкольнай адукацыі Саўко Марыя Сцяфанаўна прадэмантравала цікавую і займальную форму правядзення занятка. На занятку прымяняліся гульнявыя прыёмы і прыёмы арганізацыі даследчай дзейнасці. Выхаванцы паказалі сваю эрудыцыю і адказнае стаўленне.

На адкрыты ўрок матэматыкі ў 1 класе па тэме «Замацаванне. Адназначныя лікі» запрасіла гасцей настаўнік пачатковых класаў Жыдовіч Вольга Міронаўна. Прымяненне гульнявых метадаў работы, аптымальны падбор заданняў, займальная форма правядзення ўрока дазволілі стварыць добразычлівую атмасферу і зрабіць ўрок цікавым і эфектыўным. Першакласнікі прадэманстравалі не толькі добрыя веды па прадмеце, але ўменні быць вучнямі.

Цікавыя мерапрыемствы для выхаванцаў, сумесныя мерапрыемствы з першакласнікамі спрыяюць прывіццю цікавасці да школы, паспяховаму пераходу да школьнага жыцця. Важнае звяно ў паспяховай адаптацыі дзяцей да школы – бацькі. Для іх распрацаваны рэкамендацыі і праведзены кансультацыі. Мы ўпэўнены: цесная сувязь дзіцячага сада і школы дазваляе зрабіць працэс адаптацыі першакласнікаў да навучання ў школе паспяховым.

Мэта: прыцягнуць увагу настаўнікаў, выхавальнікаў дашкольнай адукацыі, бацькоў да праблемы пераемнасці, акрэсліць кола найбольш важных пытанняў, якія забяспечваюць эфектыўную пераемнасць, выявіць эфектыўны вопыт работы педагагічных работнікаў устаноў адукацыі.

Інтэрактыўны плакат "Дашкольная і пачатковая адукацыя - адзіны развіваючы свет"