http://raskras-ka.com/raskraski-priroda/

Раскраски

http://www.baby-news.net

Мультфільмы Берагошы

Мультфільм "Як школу лекавалі"   https://youtu.be/ArfER5zR1tU

 Мультфильм "Цмок і рэкуператар"   https://youtu.be/PXgQnubgycM

 Мультфільм "Бассейн і сонечны каллектар"   https://youtu.be/ytpDQWsBAJE

Мультфильм "Прыгоды у космасе"   https://youtu.be/TwhZz76VxA0

  Мультфільм "Гісторыя адной лямпачкі" 

https://www.youtube.com/watch?v=6EdApd6npfQ

    Мультфільм " Фіксікі - Начнік" 

 https://www.youtube.com/watch?v=LT_1P_zwnqQ

 

 

 

ГУЛЬНІ ЭЛЕКТРОНЧЫКА

  Гульня "Збяры малюнак" 

 Мэту.  Замацаваць  уменні  дзяцей  збіраць  малюнак  з  частак,

вызначыць назву прадмета і яго функцыі.

 Матэрыял:малюнкі -  вогнішча, газавая лямпа, свечка, лучына, электрычная лямпачка.-разрэзаныя на некалькі частак  

Правілы гульні: выхавацель паказвае дзецям малюнкі: вогнішча, газавая лямпа, свечка, лучына, электрычная лямпачка, а затым задае пытанні:Што  намалявана  на  малюнку?  Для  чаго  патрэбен  гэты  прадмет?

Дзеці зложваюць малюнкі: вогнішча, газавая лямпа, свечка, лучына, электрычная лямпачка.    

 

Гульня "Падзялі на групы". 

Мэта.  Класіфікацыя  прадметаў  хатняга  ўжытку  па энергаспажыванні. 

 Актывізаваць  слоўнік  па  тэме.  Развіваць звязную мову.

 Матэрыял: канверт з малюнкамі эектрапрыбораў і мэблі , наборнае палатно

Правілы гульні:  выхавацель гаворыць, што ў   гэтым канверце сярод мностваў іншых прадметаў схаваліся электрапрыборы, якія дапамагаюць нам.

Выхавацель  выкладвае на стол карткі  малюнкам уніз .  Вывешвае наборнае палатно. Дзецям даецца заданне   выбраць толькі  тыя  карткі,  дзе  намаляваны  электрапрыборы

 

    Гульня "Цёмны пакой". 

Мэта:  развіваць  уменне  распазнаваць  знаёмыя прадметы ў  прыцемненым памяшканні; стымуляваць развіццё зрокавага  і тактыльнага ўспрымання, развіваць уменне  суадносіць схематычны малюнак з прадметам.

Матэрыял: скрынка, мелкія прадметы,  цацкі і малюнкі з іх відарысамі.

Правілы гульні: трэба распазнаць прадмет навобмацак і назваць яго.  Праблемная сітуацыя: Часам  здараецца  аварыя  на  электрастанцыі,  абрыў электралініі.  Людзям  у  хатах  даводзіцца  штосьці  рабіць  у  цемры.

Напрыклад,  знайсці  свечку,  запалкі.  А  вы  калі-небудзь  спрабавалі  ўвечар

выключыць святло ва ўсёй хаце?  Што  вы адчувалі? Што робіць чалавек у такім разе? (Дзеці.  Адразу  становіцца  цёмна,  няўтульна  і  нават  трохі  страшна.)

Выхавацель: Хадзіць  даводзіцца,  выцягнуўшы  руку  перад  сабой,  каб  не  натыкнуцца  на мэблю, нібы вы аслеплі! Нават калі вочы абвыкаюць да цемры, вы не можаце знайсці любімую  цацку,  маляваць, спатыкаецеся там, дзе днём ніколі б не спатыкнуліся... Хочацца хутчэй уключыць святло. 

Выхавацель:  Уявіце, што вы апынуліся ў цёмным пакоі. Вось

гэта скрынка для вашых рук - вялікі цёмны пакой. Там знаходзяцца розныя прадметы.  Кожны  з  вас  атрымлівае  картку,  на  якой  намаляваны  адзін  з прадметаў.  Вам  трэба  знайсці  навобмацак  такі  ж  прадмет  у  гэтым "цёмным  пакоі". 

Гульня "Дзе жыве Лямпачка?"

Мэта: замацоўваць уяўленні дзяцей пра электрапрыборы, стымуляваць развіццё звязнай мовы.

Матэрыял: малюнкі  розных прадметаў:   халадзільнік,  стол,  тэлевізар,  кніжная  паліца,  пыласос, футра,  тэлефон,  ваза,  кухонная  пліта,  кніга,  прас,  дыван,  цацкі  на батарэйках,  ліхтарык,  камп’ютар,  аўдыё  магнітафон, прыбор сігналізацыі, міксер і інш. чырвоны кардоны кружок.

Правілы гульні: трэба выбраць малюнкі   прадметаў, на якіх ёсць лямпачка, вызначыць месца яе на малюнку з дапамогай маленькага значка, растлумачыць яе прызначэнне.

ХОД  ГУЛЬНІ

Выхавацель. Знайдзіце на малюнках толькі тыя прадметы, у якіх

можа  быць  электрычная  лямпачка.  Пазначце  гэтыя  малюнкі  чырвоным кружочкам.  Растлумачце,  для  чаго  ў  гэтым  прадмеце  патрэбна  электрычная лямпачка.

  

Гульня "Знайдзі патрэбныя  прадметы"

Мэта:  замацоўваць  уяўленні  дзяцей  пра  спосабы  дзеяння  з

рознымі  электрычнымі  прыборамі,  стымуляваць  развіццё

разумовых лагічных аперацый,звязнай мовы.

Матэрыял: малюнкі  з  відарысамі  разнастайных   бытавых

прыбораў і аналагічных  бытавых прадметаў. 

Правілы гульні:дзяцей дзеляць на дзве   каманды, каманда  "Добра"  называе   станоўчыя бакі выкарыстання таго ці іншага  бытавага прыбора. Каманда "Дрэнна" знаходзіць адмоўныя моманты

 ў выкарыстанні таго ж прыбора.

 ХОД  ГУЛЬНІ

Выхавацель дае заданне выбраць кожнай камандзе малюнкі,  пары  прадметаў, які робяць падобныя дзеянні, напрыклад,  міксерэлектрычны,  міксер механічны, відэлец. Пыласос - выбівачка, венік;

"Пыласос"

Чысціць хутка, лёгка, збірае смецце і пыл унутр у спецыяльны мяшочак

Дрэнна Марнуе электраэнергію, шуміць, без электрычнасці не працуе

"Венік, выбівачка"

Не марнуе электраэнергію  патрабуецца  сіла  чалавека,

шмат руху, пыл і смецце ляцяць у  розныя  бакі,  гучны  гук

удараў  па  дыване  замінаюць  іншым людзям і  г.д.

Халадзільнік - каморка, склеп;

Электрачайнік – звычайны чайнік;

Пральная машына -  пральная дошка і таз з вадой;

Посудамыючая машына - кухонная ракавіна;

Тостар - патэльня - мангал для вогнішча  і г.д.

Гульня  "Выкладзі з палачак"

Мэта: Практыкаваць дзяцей у самастойных пошуках шляхоў складання постацяў  на аснове папярэдняга абдумвання ходу рашэння.

 Матэрыял:  наборы лічальных палачак, малюнкі сілуэтаў электрапрыбораў.

Правілы гульні: скласці  з лічыльных палачак контур прадмета ў

адпаведнасці  з  прапанаваным  сілуэтам,  прыдумаць   загадкі  па

пераўтварэнні постаці.

Ход гульні.

 Выхавацель.  Разглеце  малюнак - на што гэта падобна? (Гэта

лямпа).  Тата гэтых дзяцей ніяк не можа адрамантаваць гэту лямпу.

Дапамажыце яму, правільна размясціць элементы  з  лічыльных палачак.

(Выконваюць дзеці разам).

- Цяпер кожны з вас можа выбраць сабе   лямпу, якая яму спадабалася  Паказвае сілуэты  розных відаў лямп: Назавіце іх.

Дзеці.  Таршэр, бра, люстра, настольная лямпа, ліхтар і інш.

 Выхавацель ;Кожны з вас выбраў адзін з гэтых сілуэтаў.  Вырашыце

спачатку, з якіх геаметрычных фігур ён складаецца? затым самастойна выкладзеце такую ж лямпу   з лічальных палачак.

Лямпачка.  Малайчыны, дзеці! Якія розныя і прыгожыя лямпы ў вас

атрымаліся!  Сярод іх ёсць і новыя - эканамічныя лямпачкі. А вось

дзядуля і бабуля Ані і Янкі не змяняюць старыя лямпачкі  на

новыя энергазахавальныя. Дзеці, як вы думаеце, чаму?   Давайце паспрабуем пераканаць  дзядулю і бабулю дзяцей у

неабходнасці замяняць старыя лямпачкі.

    

           

 ГУЛЬНІ ВАДЗЯШЫ.

Гульня "Чацвёрты лішні"

Мэта: вучыць аб'ядноўваць словы ў адзінае паняцце шляхам выключэння слова, якое не адносіцца да гэтага паняцця; развіваць хуткасць  разумовай дзейнасці.

Правілы гульні:

Назваць толькі адно слова, якое не адпавядае агульнаму паняццю. 

Ход гульні

 Выхавацель перад гульнёй праводзіць кароткую гутарку, удакладняючы значэнне слоў: электрычнасць, вадаправод, энергазахаванне. Затым гаворыць:

- Дзеці, важнае значэнне для кожнага з нас набылі правілы эканоміі і беражлівасці. Пра гэта мы будзем памятаць самі і расказваць  сваім сябрам і бацькам. Для таго каб вучыць іншых быць эканомнымі і беражлівымі, мы павінны быць самі беражлівымі.

Гульня "Чацвёрты лішні"

Вогнішча - запалка - электрычная лямпа - бот

Раўчук - вадаправодны кран - возера - рака

Пральная машына - венік - халадзільнік - пыласос

Мыццё -купанне - мыццё бялізны - чханне

Ток - электрычная лямпа - газавая лямпа - свечка

Адказы: бот, вадаправодны кран, венік, чханне, ток

Выйграе той, хто не памыляецца.

 

РУХОМЫЯ ГУЛЬНІ:

Гульня "Хто першы зачыніць кран і паставіць лічыльнік"

Мэта:замацоўваць  уяўленні  дзяцей  пра  спосабы  эканоміі вады,

стымуляваць  развіццё разумовых лагічных аперацый,развіваць спрыт, хуткасць.

Матэрыял: паласа перашкод, вентылі  з канструктара, "лічыльнікі"

Правілы гульні:дзяцей дзеляць на дзве   каманды. Дзеці ў 2-х камандах, пераадольваючы паласу перашкод, дабягаюць да вентыляў з канструктара, закручваюць і бяруць "лічыльнікі" - бягуць з імі да сваёй каманды.

Гульня "Хто першы ўцепліць вокны"

Мэта:замацоўваць  уяўленні  дзяцей  пра  спосабы  эканоміі цяпла ў доме і практычныя ўменні па ўцяпленні вокан,стымуляваць  развіццё разумовых лагічных аперацый,развіваць спрыт, хуткасць, акуратнасць.

Матэрыял: на сталах рамкі з кардона - "вокны" палоскамі паперы, клей, пэнзлік, анучка, цыратка

 Правілы гульні:Дзеці ў дзвюх камандах   спаборнічаюць. Абклейваюць   на сталах рамкі з кардона - "вокны" палоскамі паперы.

 

Гульня "Размяркуй смецце па колеры бака"

Мэта:замацоўваць  уяўленні  дзяцей  пра  спосабы  сарціроўкі смеця і практычныя уменні размяркоўваць яго ,стымуляваць  развіццё разумовых лагічных аперацый,развіваць спрыт, хуткасць, акуратнасць.

Матэрыял:

Правілы гульні:

Гуляюць па чатыры іграка. Кожны ігрок збірае смецце ў свой бак.

 

Гульня “Нельга, трэба"

Мэта: замацоўваць веды дзяцей пра спосабы эканоміі і беражлівасці ў прапанаваных да  абмеркавання сітуацый; развіваць устойлівую ўвагу спосабам выбару правільных меркаванняў і суправаджэнні адпаведных рухаў; развіваць маўную актыўнасць пасродкам доказу кожнай сітуацыі.

 Правілы гульні: Хто заўважыць правільнае меркаванне - пляскае ў ладоні  і тлумачыць сэнс меркавання. Хто заўважыць няправільнае меркаванне - тупае нагамі і тлумачыць меркаванне.

Гульнявыя дзеянні:

Дзеці выбіраюць правільныя ці няправільныя меркаванні і выконваюць у адпаведнасці з правіламі руху (пляскаюць у ладоні  ці тупаюць нагамі), тлумачаць свой выбар.

Ход гульні

Выхавацель: тлумачыць правілы гульні , а затым прапануе праблемныя сітуацыі.   1.      Можна ўключаць і дакранацца да электрапрыбораў мокрымі рукамі…

2.      Можна гуляць з уключанымі электрапрыборамі…

3.      Трэба адыходзячы выключаць электрапрыборы…

4.      Можна садзіцца блізка да ўключанага  тэлевізара..

5.      Марына з сястрычкай Ленай глядзелі па тэлевізары клуб "Дысней". Калі скончыліся мультфільмы, дзяўчынкі задумалі гульню са сваімі любымымі лялькамі. Няхай тэлевізар працуе далей, ён жа ім не перашкаджае гуляць…

6.      На дзень нараджэння да Андрэя прыйшлі сябры. Старэйшая сястра час ад часу заходзіла на кухню, дзе ўвесь час гарэла святло, каб узяць які –небудь пачастунак. Няхай гарыць святло заўсёды ў кухні, трэба ўключыць яшчэ і на калідоры.

Пры паўторным правядзенні гульні колькасць сітуацый і выказванняў павялічваецца.

Захаваць цяпло ў доме - зберагчы энергарэсурсы краіны .

(даследчая дзейнасць)

Мэта: выхоўваць беражлівыя адносіны да акружаючай  прыроды.

Развіваць  уменні  дзяцей  працаваць  з  флюгерам,  компасам, тэрмометрам. Працаваць над развіццём логікі, мыслення.

 Абсталяванне:  флюгер,  компас,  тэрмометр,  папера,  фламастары,

нажніцы.

 

I. Дослед "Што такое электрычнасць?"

Выхавацель.  Дзеці, Электроша даслаў нам цікавыя рэчы для

доследу . Што гэта? (Адзенне). Назавіце прадметы адзення, з якога    матэрыялу  гэтыя прадметы зроблены?

- Хто з вас жадае прымяраць  гэтыя ўборы Электрошы?

- Зробім круг. Дзеці, якія апрануты ў ваўняныя і сінтэтычныя

рэчы Электрошы, становяцца ў цэнтр.

-  Цяпер  загасне  святло.  Дзеці  ў  цэнтры  круга  пачнуць  здымаць  з  сябе адзенне  Электрошы. Астатнія ўважліва глядзяць і слухаюць. 

- Хто што ўбачыў? (Іскры).  - Хто што пачуў? (Трэск).

-  Ведаеце,  што  адбывалася?  Калі  дзеці  здымалі  гэта  адзенне,  у

выніку  трэння  паўстала  электрычнасць.  Таму  вы  бачылі  іскры  і

чулі  трэск.  Якая  з'ява  прыроды  гэта  вам  нагадвае? (Гром  і

маланку).

 

II. Дослед "Чароўная палачка"

Выхавацель.  Вазьміце  ў  рукі  шкляную  палачку.  паднясіце  яе  да

папяровых чалавечкаў Электрошкаў: што адбываецца? (Нічога. Электрошкі не рухаюцца).

- А зараз вазьміце анучку ваўнянай ці шаўковай тканіны, натрыце

імі  палачкі.  Ізноў  днясіце  палачку  да  папяровых  чалавечкаў

Электрошкаў:  што  адбываецца? (Чалавечкі  сталі  рухацца,  цягнуцца  да палачкі).

- Як вы думаеце, чаму Электрошкі пачалі рухацца?  у выніку

трэння  шкляной  палачкі  па  тканіне  з'яўляецца  электрычнасць.

Наэлектрызаваная палачка прыцягвае да сябе чалавечкаў.

 

III. Дослед  "Цуда-грэбеньчык"

 Выхавацель.  Вазьміце свае грэбенчыкі, паднясіце да сваіх валасоў,  да папяровых  чалавечкаў  Электрошкаў:  штосьці  адбываецца? (Нічога  не адбываецца).

- Расчашыце свае валасы. Ізноў паднясём грэбеньчыкі да сваіх валасоў,  да  чалавечкаў:  што  вы  бачыце? (Валасы  прыцягваюцца  да  грэбеньчыкаў,

Электрошкі  таксама прыцягваюцца да грэбеньчыкаў).

-  Чаму  гэта  адбылося?  У  выніку  трэння  грэбеньчыка   аб  валасы

з'явілася электрычнасць, якая  і прыцягвае папяровых чалавечкаў.

 

IV. Даследчая дзейнасць "Шары Электрошы"

 Выхавацель. Дзеці, надуем розныя паветраныя шары, якія нам

даслаў Электроша. Паспрабуем зрабіць з іх пары: прыставім адзін да аднаго. Шары  трымаюцца  адзін  за  другога? (Не,  нічога  не  атрымліваецца,  шары разлятаюцца, падаюць).

-  Цяпер  станьце  ў  пары.  Патрыце  свае  шары  аб  свае  валасы  і

паднясіце  да  шарыка  сябра:  што  адбываецца? (Шарыкі  прыцягваюцца  і трымаюцца  адзін  за  другога). Паўторым досвед і паднясём шарыкі да дзвярэй, сцяны, дзверцаў  шафкі:  што  адбываецца? (Шарыкі  прыліпаюць  да  роўных паверхняў гэтых прадметаў).

-  Чаму  гэта  адбылося?  У  выніку  трэння  шарыка   аб  валасы

з'яўляецца электрычнасць, якая  прыцягвае шарык да іншых прадметаў.

 

V. Дослед "Сакрэты батарэйкі"

Выхавацель .  Пагледзіце  на  гэту  вялікую  электрычную  лямпачку,

успомніце і назавіце, з чаго яна складаецца? (Усярэдзіне лямпачкі тонкія нітачкі  дрота, якія злучаюцца металічнай спіраллю, па іх рухаюцца электрычныя зарады). - Вазьміце ў рукі маленькія лямпачкі з ліхтарыкаў. Пагледзіце, што да ножкі (цокалю) лямпачак прыпаяныя два правадочка. як вы думаеце, чаму  менавіта два правады? -  Пагледзіце  на  батарэйцы  ёсць  значкі "+" і "-".  Каб  лямпачка загарэлася,  яе  правады  трэба  злучыць  з  гэтымі  клемамі  на  батарэйцы.  Лямпачка  загараецца.  Значыць,  па  адным  правадку  бягуць  дадатныя зарады, а па іншым - адмоўныя. 

-  Выбярыце  батарэйкі  з  набору  прадметаў  у  скрынцы.  Пагледзіце,

якія  розныя  ў  вас  батарэйкі:  круглыя,  плоскія,  тоўстыя  і  тонкія,

маленькія  і  вялікія…  Знайдзіце  на  кожнай  значкі "+" і "-". З  дапамогай гэтых знакаў мы будзем ведаць, як устаўляць батарэйку ў электрапрыбор.  

Казка пра Батарэю

Высока-высока – на дзясятым паверсе дома – жыла-была Батарэя. Настала зіма – для Батарэі вельмі важны перыяд. Яна вельмі радавалася таму, што стала патрэбна людзям, якія жылі ў кватэры. А яны нават і не думалі пра Батарэю: не ўцяплілі вокны, не зачынялі форткі, на ноч Батарэю закрывалі фіранкамі з тоўстай тканіны, вешалі на яе бялізну.

Батарэя вельмі пакрыўдзілася на жыхароў кватэры і ў адзін з доўгіх зімовых вечароў горка заплакала. Так плакала, што затапіла ўсіх суседзяў.

Людзі, у якіх жыла Батарэя, не разумелі, чаму яна так моцна плача. Але прыйшлі суседзі і, убачыўшы адчыненую фортку, бялізну на Батарэі, растлумачылі неахайным жыхарам, што Батарэя не можа абагрэць іх кватэру, бо яны не выконваюць элементарных правілаў зберажэння цяпла. Менавіта па гэтай прычыне яна так моцна плача. Гаспадары ўцяплілі вокны, знялі доўгія фіранкі, бялізну з Батарэі, закрылі фортку. І стала Батарэя жыць, атрымліваючы асалоду ад таго, што прыносіць карысць людзям. І паверце, за ўсё жыццё яна больш ні разу не заплакала.

 

           Казка пра робата Электроніка

Жыла-была  маленькая  дзяўчынка  з  мамай  і  татам.  Тата  дзяўчынкі   працаваў інжынерам-канструктарам.

...Аднойчы ўвечар ён прывёз велізарную скрынку. Тата сказаў: "Дачка,

у  нашым  канструктарскім  бюро  зрабілі  робата  Электроніка.  Ён  умее  не толькі  рамантаваць  электрапрыборы,  але  і  сачыць  за  эканоміяй электраэнергіі. Праверым, як ён працуе!

Электронік сачыў за ўсімі электрапрыборамі. Ён адразу паправіў усе

разеткі,  выправіў  пыласос,  які  вось  ужо  два  тыдні  не  працаваў,

адрэгуляваў  тэлевізар,  памяняў  усе  лямпачкі.  Мама  была  проста

шчаслівая.

А  Электронік  не  пераставаў  працаваць,  ён  сачыў  за  парадкам:  вось тата не выключыў у туалеце святло, вось мама забылася, што ў яе на пліце варта рондаль і яна ўжо цэлая гадзіна размаўляе па тэлефоне са сваёй сяброўкай.

І Электронік тут жа падае сігнал.

Прайшоў  месяц.  Электронік  стаў  незаменным  памагатым  для  гэтай сям'і.  А  калі  мама  запаўняла  кніжкі  па  аплаце  за  кватэру  і святло,  то выявіла,  што ў гэтым месяцы за святло плаціць стала менш,  таму што Электронік дапамог эканоміць энергію.

Вось такі цудоўны робат жыве ў гэтай сям'і.

                     Электрычная лямпачка

         Аднойчы на заводзе нарадзілася электрычная лямпачка. Яе загарнулі ў зручную скрыначку і адправілі ў краму.   На прылаўку яна доўга ляжала  і чакала, калі яе купяць. Ёй было маркотна і сумна, хоць раней яна марыла дарыць сваё яркае святло людзям.   І вось аднойчы ў краму прыйшоў дзядуля і купіў лямпачку. Прынёс яе ў дзіцячы садок і ўкруціў у вялікую светлую люстру. І лямпачка запалілася! Усё  вакол  заблішчала,  зазіхацела  і  стала  так  радасна  ўсім!  Дзеткі глядзелі і захапляліся яе яркім святлом. З тых часоў лямпачка кожны дзень назірае, як гуляюць  дзеці .А дзеці не забываюць, што калі на вуліцы светла лямпачцы трэба адпачываць. 

       Так мы скароцім выдатак энергіі, зберажом нафту, вугаль і газ, здабытыя вельмі цяжкай працай!

            Пра тое, як Каця перастала баяцца цемры…

        У  адной  хаце,  у  вельмі  прыгожай  люстры,  жыла-была  электрычная лямпачка. У гэтай жа  хаце жыла маленькая дзяўчынка Каця. Каця вельмі баялася  цемры  і  таму  ніколі  не  выключала  святло.  Лямпачка  доўга  гарэла і вельмі журылася, што яна не мела магчымасці адпачыць. Дзяўчынка пашкадавала лямпачку і купіла ёй сяброўку. І ў пакоі стала светла! Але вось аднойчы ў дзіцячым садку Каця даведалася, што вельмі важна берагчы электрычнасць! Яна сказала маме, што больш не будзе баяцца цемры, а падчас гульняў  увечар  адна з лямпачак будзе адпачываць. 

ДАВАЙЦЕ ЎСЕ  РАЗАМ БУДЗЕМ БЕРАГЧЫ ЭЛЕКТРАЭНЕРГІЮ!!!

 

                                    Яго Вялікасць Выключальнік

Жыў-быў яго Вялікасць Выключальнік. Ён дапамагаў людзям выключаць і запальваць святло. Людзі перасталі яго заўважаць.  Выключальнік  пакрыўдзіўся  і перастаў  уключаць  святло.  Усім  стала  цёмна  і  страшна ,  тады  ўсё  зразумелі, які ён важны і папыталі ў яго прабачэння. Яго Вялікасць Выключальнік быў  добры  і  доўга  не  мог  злавацца - ён  прабачыў  людзей  і  зноў  пачаў працаваць. Усім стала светла і радасна! ДАВАЙЦЕ БУДЗЕМ БЕРАГЧЫ ЭЛЕКТРЫЧНЫЯ ПРЫБОРЫ!  

 

                                  Наш сябар - электрычны ток!

Жыве з намі побач наш сябар і памочнік - электрычны ток. Ніхто не

ў сілах пры сустрэчы паціснуць яму руку для прывітання, на "Дабры дзень" ён  лыпае  агеньчыкам.  Нам  без  току  было  б  вельмі  дрэнна.  Электрычны  ток усім  дапамагае:  маме  сціраць  у  пральнай  машыне,  тату - з  дапамогай электраінструмента,  зрабіць  невялікі  рэмонт.  Ад  ўключаецца  і працуе  камп’ютар  і  тэлевізар.  Калі  раптам  усёй  сям'і  захацелася адпачыць за кубкам чаю - вельмі хутка саграваецца вада ў электрычным чайніку.У халадзільніку доўга застаюцца свежымі прадукты. А як бы мы жылі без святла?! Наша жыццё было б сумнай і цёмнай.   Дзякуй табе,  наш сябар

 

Прымаўкі і прыказкі

 СВЯТЛО

5. Святло адной хаты  іншую не асвятляе
5. Дзе рада, там і святло

ЦЯПЛО

• Дзе цяпло, тут і дабро.  
• Любіш  цяпло, цярпі  і дым.
• Усякая птушка цяпла шукае.  
• Не хваліся цяплом у няпаленай хаце.  
• Суседскім цяплом не сгрэешся.  

СМЕЦЦЕ

• Пакуль ёсць газ і нафта, нам з голаду не памерці.
• Колькі вядро з смецем  ні ўтрамбоўвай - выносіць усё адно прыйдзецца.
• Hе кідай смецце, а збірай яго.
• Золата  і ў смеццевай яме блішчыць.                 
• Вада з вадой зліецца, а смецце на бераг выкіне.                 

ВАДА

• Бывае парою - цячэ вада гарою
• У рэшаце ваду не ўтрымаеш
• Вялікі вярблюд, ды на ім ваду возяць; малы собаль, ды яго на галаве носяць
• Воды шкадаваць, кашу не зварыць
• Далёкай вадой цяжка загасіць блізкі агонь
• Куды рака пайшла, там і рэчышча будзе
• На тое і шчупак у моры, каб карась не драмаў
• Не будзе снягу - не будзе і следу
• Не ўсякая вадзіца для пітва  гадзіцца
• Не плюй у студню, спатрэбіцца воды напіцца.
•  

 

Загадкі Берагошы

 Пад кожным акенцам 

Цёплы гармонік. (Батарэя.)

 

      У маленькай скрынцы

 Ляжаць хлопцы-ардынцы.

 I кожны раз пад дровамi

      Гараць яны па-новаму.       Запалкі

Глянеш — заплачаш, а ўсе         

     яму рады. (Сонца)

 

Без ног бяжыць, без век

     глядзіць. (Вада)

 

Сее, вее, рассявае, зімой

сляды замятае. (Вецер)

 

Белая кабыла ўвесь лес

 з'ела. (Печ)

 

Калядныя загадкі пра дом

 Ёсць дах ды падмурак,

 

 Ды сцены з вакном.                                                   

      А разам усё называецца…      (дом)

 

Ляцеў птах, на ваду - бах.

     Вады не скалаціў, на дно

     патануў. (Снег)

 

 Ляцелі белыя гусі, крылля

 русы, ды нельга з іх па

 пёрушку вырваць. (Снег)

Ляцяць птушкі без крылаў, а сядаюць без ног.   

(Сняжынкі)

Па калені вады, а не нап'ешся. (Снег)

 

Белы, а не цукар, без ног, а ідзе.

(Снег)

 

Сее, вее, рассявае, зімой сляды замятае. (Снег)

 

 З неба ўпаў, усю зямлю, як абрусам, заслаў.

(Снег)

 

 На вадзе родзіцца, а вады баіцца.

(Лёд)

 

 Зімой расце коранем уверх, а вясной памірае. Хто адгадае?

(Лядзяш)

 

 Са страхі морква вісіць, да зямлі не дастане, паху не мае, зімой    вырастае.

(Лядзяш)

 

 Удзень шкло разбіта, а нанач устаўлена.

(Лёд у палонцы)

 

Удзень у небе гуляе,

 А ўдзень на зямлю сядае.

(Сонца)

 

Што ў хаце ды не бачна? (Цяпло.)

 

     Ён раскажа і пакажа,

як жыве планета наша.            

 

    А няма электратоку —

    ён без мовы і без зроку. (Тэлевізар.)

 

Два кальцы, два канцы, а пасярэдзіне цвік. (Нажніцы.)

 

Два браты, адзін на аднаго глядзяць, а разам не сыдуцца. (Падлога і столь.)

 

Вышэй за ўсіх стаіць, навакол глядзіць, у белай кашулі і люльку курыць. (Комін.)

 

Каля носа ўецца, а ў рукі ўзяць не даецца. (Дым.)

 

Побач стаяць, на вуліцу глядзяць, а сябе ніколі не бачаць. (Вокны)

 

З выгляду— мячык на восі стаячай, а сіла такая— усю зямлю трымае.

(Глобус.)

 

Увесь свой век ходзіць, а з месца не сходзіць. (Гадзіннік.)

 

Языка не мае, а гаворыць і спявае. (Радыё.)

Па тканаму мору жалезны карабель плыве,

Мора пад ім шуміць, услед высыхае. Сам жа карабель тады кранецца,

Як да сцяны прыпрэцца. (Электрычны прас.)

 

 Яна на яго злосна бурчэла,

Кідала яго і вярцела.

Яно ж пасля гэтага

Памаладзела. (Пральная машына.)

 

Мае колы— ды не паравоз,

Мае стужку, але не матрос.

Музыкай частуе ён,

 А завуць... (Магнітафон.)

 

Я не чарапаха— робат,

Але працаваць люблю,

Я не слон, але ў свой хобат

3 дывана ўвесь пыл лаўлю. (Пыласос.)

 

Праз палі, масты, лясы

 Ляцяць словы-галасы.

Дзякуючы правадам

Кажуць тут, а чуюць там.  (Тэлефон.)

 

              Я, ты, ён, яна –

              экономная      дзяржава.

           Сэкономім  ваду, газ,

             усе тады  пахваляць нас.