На базе ўстановы дашкольнай адукацыі

    рэалізуецца інавацыйны праект

на 2019 -2024 г.

"Укараненне мадэлі фарміравання культуры міжасобасных зносін дзяцей дашкольнага і школьнага ўзросту на праваслаўных традыцыях і каштоўнасцях беларускага народа ва ўмовах дзяржаўнага двухмоўя"

 Мэта інавацыйнага праекта: павышэнне ўзроўню моўнай культуры навучэнцаў на праваслаўных традыцыях і каштоўнасцях беларускага народа ва ўмовах дзяржаўнага двухмоўя ў сучаснай адукацыйнай прасторы

Задачы інавацыйнага праекта:

1.Вызначыць аптымальныя варыянты і параметры ўзаемадзеяння устаноў і арганізацый (органаў дзяржаўнага кіравання і кіравання адукацыяй, устаноў адукацыі, сям'і, структур Беларускай Праваслаўнай Царквы, грамадскасці) у рэалізацыі задач павышэння ўзроўню моўнай культуры вучняў на праваслаўных традыцыях беларускага народа ва ўмовах дзяржаўнага двухмоўя.

2.Выхоўваць у вучняў пачуццё любові да Айчыны, сацыяльнай адказнасці і маральнага абавязку, чалавекалюбства і міласэрнасці з выкарыстаннем рэгіянальнага кампанента, веданне мясцовых святых і святынь, на аснове любові да малой радзімы.

3.Развіваць камунікатыўную культуру суб'ектаў адукацыйнай прасторы, якая забяспечвае камунікатыўную і канфлікталагічную кампетэнтнасць асобы як ўмовы канструктыўнага вырашэння складаных сітуацый міжасобасных узаемадзеянняў у полікультурным асяроддзі ва ўмовах дзяржаўнага двухмоўя.

4.Распрацаваць метадычныя рэкамендацыі па забеспячэнні пераемнасці ў рэалізацыі праграм духоўна-маральнага выхавання навучэнцаў розных ступеняў адукацыі.

5.Стварыць метадычныя і інфармацыйныя рэсурсы для вучэбна-метадычных комплексаў новага пакалення па рэалізацыі праграмнага зместу духоўна-маральнага выхавання навучэнцаў.

Чакаемы вынік:

Рэалізацыі мадэлі моўнай культуры навучэнцаў у рамках інавацыйнага праекта:

павышэнне ўзроўню моўнай культуры і маральнага развіцця асобы навучэнца, яго чалавекалюбства і міласэрнасці, сацыяльнай адказнасці і актыўнасці, накіраваных на ўдасканаленне сябе і навакольнага свету;

умацаванне сацыяльнага партнёрства, пашырэнне знешніх сувязяў установы адукацыі з іншымі зацікаўленымі арганізацыямі і ўстановамі ў вырашэнні надзённых сацыяльных праблем;

забеспячэнне пераемнасці ў рэалізацыі праграмы духоўна-маральнага выхавання дашкольнікаў і тыпаў устаноў адукацыi;

развіццё прафесійных кампетэнцый суб'ектаў адукацыйнай прасторы;

стварэнне метадычных і інфармацыйных рэсурсаў для вучэбна-метадычных комплексаў новага пакалення па рэалізацыі праграмнага зместу духоўна-маральнага выхавання навучэнцаў.

Па старонках праекта 2023/2024 г

 13 кастрычніка ў межах інавацыйнай дзейнасці адбылася тэматычная забава “Цеплыня сэрцаў для нашых мам”, прымеркаваная да Дня маці і праваслаўнага свята Пакроў Найсвяцейшай Багародзіцы. На мерапрыемства былі запрошаны настаяцель царквы святога Іаана Прадцечы айцец Аляксандр і матушка Анастасія. Шмат цёплых слоў і пажаданняў гучала ў адрас самых родных і любімых матуль. Выхаванцы спявалі песні, танцавалі, расказвалі вершы. Выхавальнікі дашкольнай адукацыі падрыхтавалі тэатральную пастаноўку тэатра батлейка “Пакрывае ўсіх пакровам”. У заключэнні айцец Аляксандр і матушка Анастасія павіншавалі ўсіх матуль са святам і пачаставалі дзяцей салодкімі падарункамі.  

 «Цяпло сэрцаў для мілых матуляў" пад такім загалоўкам вышаў артыкул на сайце газеты "Зара над Нёманам" за 16.10.2023    Чытайце

 23.10.2023  У рамках інавацыйнай дзейнасці члены працоўнага калектыву прынялі ўдзел у паломніцкай экскурсіі ў самы старажытны горад Беларусі, якая была арганізавана  для прыхажанаў царквы Святога Іаана Прадцечы аг. Лунна, матушкай Анастасіяй. Паломнікі пабывалі ў Спаса-Еўфрасіньеўскім манастыры, Полацкім Сафійскім саборы, Кафедральным Багаяўленчым саборы. Яркія ўражанні аставілі музей беларускага кнігадрукавання і абзорная экскурсія па горадзе Полацку. 

«Дакрануцца да святыняў" пад такім загалоўкам вышаў артыкул на сайце газеты "Зара над Нёманам" за 14.11.2023   Чытайце

24 лістапада ў г. Мінску адбыліся ІХ Беларускія Калядныя адукацыйныя чытанні “Праваслаўе і айчынная культура: страты і набыцці мінулага, вобраз будучага”. Загадчык установы дашкольнай адукацыі Калецінская А.В. стала ўдзельнікам секцыі “Фарміраванне культуры міжасобасных зносін дашкольнікаў і школьнікаў на праваслаўных традыцыях беларускага народа ва ўмовах дзяржаўнага двухмоўя”, якая праводзілася ў рамках ІХ Беларускіх Калядных адукацыйных чытанняў. На секцыі абмяркоўваліся пытанні духоўна-маральнага выхавання і яго роля ў станаўленні і развіцці асобы.

 11.01.2024 У рамках акцыі “Нашы дзеці” педагагічныя работнікі для дзяцей з “Дзіцячага сацыяльнага прыюта” падрыхтавалі пастаноўку ценявога тэатра. Героі пастаноўкі расказалі гледачам аб Нараджэнні Хрыстовым. Дзецям былі перададзены падарункі, якія сабраны выхаванцамі дзіцячага сада і іх бацькамі.

 12.01.2024 У рамках акцыі “Нашы дзеці” педагагічныя работнікі наведалі ДУА “Цэнтр карэкцыйна-развіваючага навучання і рэабілітацыі ў г. Масты”. Для дзяцей была паказана пастаноўка ценявога тэатра “Лепшы падарунак”. Навучэнцы цэнтра карэкцыйна-развіваючага навучання і рэабілітацыі атрымалі падарункі, якія былі сабраны ў час акцыі “Нашы дзеці”.

17.01.2024  У рамках інавацыйнай дзейнасці ў дзіцячым садзе адбылася тэматычная забава “Прыйшлі Каляды, усе людзі рады”. Па традыцыі на мерапрыемства быў запрошаны настаяцель царквы Раства Іаана Прадцечы іерэй Аляксандр Свістун. Пад час забавы выхаванцы і першакласнікі пазнаёміліся з традыцыяй святкавання Нараджэння Хрыстова, выступілі ў ролі калядоўшчыкаў, сталі гледачамі ценявога тэатра і ўдзельнікамі беларускіх нацыянальных гульняў. У заключэнні мерапрыемства айцец Аляксандр павіншаваў усіх прысутных са святам Нараджэння Хрыстова і пачаставаў салодкімі падарункамі.

 06.05.2024 Ва ўстанове дашкольнай адукацыі прайшла выстава сумеснай творчасці дзяцей і дарослых "Велікодная радасць". На выставу былі прадстаўлены работы бацькоў і выхаванцаў рознаўзроставых груп. Работы выкананыя з асаблівым натхненнем, любоўю і творчасцю ўразілі гледачоў выставы.

 07.05.2024 У рамках інавацыйнага праекта ва ўстанове дашкольнай адукацыі адбылася тэматычная забава «Свята да нас прыйшло. Іісус Хрыстос з неба сышоў”, прымеркаваная да святкавання Вялікадня. Пад час забавы дзеці  спявалі святочныя песні, гулялі ў нацыянальныя гульні, расказвалі вершы. Педагагічныя работнікі падрыхтавалі пастаноўку тэатра батлейка. Героі тэатра “расказалі” дзецям чаму свята называецца  Вялікдзень. Айцец Аляксандр павіншаваў усіх прысутных са светлым святам, пачаставаў дзяцей салодкімі падарункамі.

Па старонках праекта 2022/2023 г

 14 кастрычніка свята, прысвечанае Дню маці  і Пакровам Прасвятой Багародзіцы.   

20.12.2022г. Ва ўстанове дашкольнай адукацыі  арганізавана выстава «На парозе Новы год» ў якой актыўны ўдзел прынялі бацькі, дзеці, педагогі. 

 30.12.2022 г. Падарункі, сабраныя пры правядзенні акцыі "Нашы дзеці", перададзены ў Мастоўскі сацыяльна- педагагічны цэнтр 

13.01.2023 У рамках інавацыйнага праекта ва ўстанове адукацыі адбылася тэматычная забава “Чароўныя калядныя казкі”. Па традыцыі забава ладзілася з удзелам настаяцеля царквы Святога Іаана Прадцечы іерэем Аляксандарм. Выхаванцы прадстаўлялі тэатралізаваную пастаноўку, расказвалі вершы аб Нараджэнні Хрыстовым, спявалі калядныя песні, гулялі ў народныя гульні. У заключэнні айцец Аляксандр падзякаваў дзецям і пачаставаў іх салодкімі падарункамі.

Па старонках праекта 2021/2022 г

20 верасня 2021 г. ўстанова дашкольнай адукацыі атрымала Падзяку ад Сінадальнага аддзелу па супрацоўніцтве са свецкімі ўстановамі адукацыі за ўдзел у рэспубліканскай выставе 

14 кастрычніка свята, прысвечанае Дню маці  і Пакровам Прасвятой Багародзіцы.

 22.10. 2021 ДУА «ГРАІРА» - Удзел у абласным семінары для кіраўнікоў, намеснікаў кіраўнікоў устаноў адукацыі, якія ўдзельнічаюць у эксперыментальнай і інавацыйнай дзейнасці (з выкарыстаннем ІКТ у дыстанцыйнай форме)

 27 снежня 2021 г. У нашай установе дашкольнай адукацыі  арганізавана выстава «Калядныя цуды» ў якой актыўны ўдзел прынялі бацькі, дзеці, педагогі.  

 У рамках рэалізацыі інавацыйнага праекта па духоўна-маральнаму выхаванню 21.01.2022 года для выхаванцаў дзіцячага сада праведзена забава "Святкі. Ад Каляд да Вадохрышча" 

 1.04.2022г. Падведзены вынікі раённага этапа абласнога конкурсу даследчых і творчых праектаў "Жывая спадчына". У намінацыі "Мае карані" дыпломам ІІ ступені ўзнагароджана  – Кузьма Арына, выхаванка старэйшай групы інтэграванага навучання і выхавання дзяржаўнай установы адукацыі “Лунненскі дзіцячы сад”, кіраўнік – Кароль Юлія Анатольеўна, выхавальнік дашкольнай адукацыі

 10.04.2022 г. Падведзены вынікі раённага этапа абласнога конкурсу даследчых і творчых праектаў "Жывая спадчына". У намінацыі «Мае карані»  дыпломам II ступені ўзнагароджана Кузьма Арына, выхаванка старшай групы інтэграванага навучання і выхавання , кіраўнік – Кароль Юлія Анатольеўна, выхавальнік дашкольнай адукацыі.  

 20.04.2022 г. У абластным семінары па інавацыі "Даведка аб выніках рэалізацыі эксперыментальнага і інавацыйнага праекта: агульныя падыходы і тыповыя недахопы" прыняла ўдзел намеснік загадчыка па асноўнай дзейнасці ўстановы дашкольнай адукацыі Багданец Н.М.

 23.04.2022г.  Напярэдадні Вялікадня ў нашай установе дашкольнай адукацыі  арганізавана выстава сумеснай творчасці дзяцей і дарослых. Бацькі выхаванцаў і педагогі  праявілі незвычайную фантазію і выдумку, а таксама паказвалі сваё майстэрства і творчасць.

 29.04.2022г. У нашай дашкольнай установе  адбылося святочнае мерапрыемства - Пасхальная сустрэча.

 5 мая 2022г. Для выхаванцаў нашай   установы дашкольнай адукацыі была арганізавана экскурсія "След, які пакінула вайна".

 6 мая 2022 года наша ўстанова дашкольнай адукацыі прыняла ўдзел у раённым аглядзе-конкурсе шматфункцыянальных дыдактычных дапаможнікаў "Беларусь-мая гісторыя", які прысвечаны Году гістарычнай памяці.

10 мая 2022г. Да Дня сям'і ва ўстанове дашкольнай адукацыі праходзіць акцыя "Лёс маёй сям'і ў гісторыі краіны".

15 мая 2022 г. Падведзены вынікі раённага агляду-конкурсу шматфункцыянальных дыдактычных дапаможнікаў “Беларусь-мая гісторыя”, прысвечанага Году гістарычнай памяці.  У Конкурсе прынялі ўдзел 88 педагогаў з 10 устаноў дашкольнай адукацыі і 5 навучальна-педагагічных комплексаў дзіцячы сад-сярэдняя школа. Усяго ў пяці намінацыях Конкурсу прадстаўлена 49 аўтарскіх дыдактычных дапаможнікаў.

У намінацыі "Дзецям аб Вялікай Перамозе" дыплом II ступені атрымала  Лунеўская Алена Антонаўна, выхавальнік дашкольнай адукацыі   -лэпбук «Кніга памяці»

 21 мая 2022г.  Па слядах Перамогі быў арганізаваны своеасаблівы маршрут “суботніка памяці”.  Наш прыпынак - помнік, скульптура "Помнік, мемарыял", Дзятлава, Дзятлаўскі раён, Гродзенская вобласць.

 21 мая 2022г.  супрцоўнікі ўстановы дашкольнай адукацыі наведалі  Свята-Елісееўскі Лаўрышаўскі мужчынскі манастыр - адзін з найстаражытнейшых праваслаўных манастыроў Беларусі.

  Падведзены вынікі абласнога конкурсу даследчых і творчых работ  "Жывая спадчына"  У намінацыі «Мае карані» дыпломам II ступені ўзнагароджана    Кузьма Арына, выхаванка дзяржаўнай установы адукацыі «Лунненскі дзіцячы сад» Мастоўскага раёна, кіраўнік – Кароль Ю. А.

 21 чэрвеня 2022 г. Калектыў  установы дашкольнай адукацыі прыняў удзел у рэспубліканскай патрыятычнай акцыі "Хвіліна маўчання".

                          Па старонках праекта 2020/2021 г

 14 кастрычніка 2020 г., свята, прысвечанае Дню маці  і Пакровам Прасвятой Багародзіцы.  

На сайце газеты "Зара над Нёманам" надрукаваны артыкул "Выхаванцы  Лунненскага дзіцячага  сада падарылі сваім мамам частку любві"   

 З 26 лістапада па 3 снежня 2020 года. ДУА "ГРАІРА" Удзел у абластным фестывалі педагагічнага майстэрства «КРОК У БУДУЧЫНЮ». Загадчык установы дашкольнай адукацыі Калецінская Алена Васільеўна    прэзентавала  “ Відэазанятак «Ценявы тэатр «Прыгоды на Пасху»»

 Ва ўстанове дашкольнай адукацыі прайшоў конкурс  вырабаў "Ражджаства чароўныя імгненні"

 "Святло дабра: у Лунненскага дзіцячым садзе прайшла дабрачынная акцыя" пад такім загалоўкам выйшаў артыкул у газеце "Зара над Нёманам"  

 У дні калядных святкаў  выхаванцам установы дашкольнай адукацыі была прадстаўлена пастаноўка ценявога тэатра "Калядная казка".   

Калецінская Алена  Васільеўна, загадчык установы дашкольнай адукацыі, прыняла ўдзел і узнагароджана Дыпломам І ступені за ўдзел у ІІІ Міжнародным навукова-педагагічным конкурсе "Педагагічнае прызванне", аўтар даследчай  работы "Патрыятычнае выхаванне -прыарытэтны накірунак адукацыйнага працэсу ва ўстастанове дашкольнай адукацыі!"

 15 красавіка 2021 года ва ўстанове адукацыі прайшоў раённы семінар-практыкум для намеснікаў загадчыкаў па асноўнай дзейнасці ўстаноў дашкольнай адукацыі "Патрыятычнае выхаванне дашкольнікаў на аснове культурна-гістарычных і духоўна-маральных каштоўнасцей роднага краю".  

14 красавіка 2021 года ў Нацыянальным выставачным цэнтры БелЭкспа ў горадзе Мінску прайшла XIX беларуская выстава навукова-метадычнай літаратуры, педагагічнага вопыту і творчасці навучэнскай моладзі, прысвечаная Году нацыянальнага адзінства.Вопыт работы "Духоўна-маральнае выхаванне дашкольнікаў на праваслаўных традыцыях і каштоўнасцях беларускага народа »,  лэпбук “Праваслаўныя святы” і лэпбокс “Куфэрак Арынкі” ДУА "Лунненскі дзіцячы сад" дастойна прэзантаваліся на рэспубликанскай выставе. 

9 мая ў г.Масты ля помніка воінам-вызваліцелям адбыўся ўрачысты мітынг-рэквіем «Мы схіляемся! Мы памятаем! Мы ганарымся! », прысвечаны 76-й гадавіне вызвалення нашай краіны ад нямецка-фашысцкіх захопнікаў у якім прынялі ўдзел супрацоўнікі нашай установы дашкольнай адукацыі. 

 22 чэрвеня штогод у Беларусі адзначаецца жалобная дата -Дзень усенароднай памяці ахвяр Вялікай Айчыннай вайны. У 12.00 супрацоўнікі і выхаванцы ўстановы дашкольнай адукацыі прынялі ўдзел у Усебеларускай хвіліне маўчання 

 12 ліпеня экскурсія-паход па гістарычных і маляўнічых месцах Мастоўшчыны. Супрацоўнікі ўстановы дашкольнай адукацыі пабывалі ў  Рэспубліканскім ландшафтным заказніку "Ліпічанская пушча", ажыццявілі сплаў-шпацыр па рацэ Шчары.  

Па  старонках  праекта 2019/2020 г

 Па старой добрай традыцыі, у нашай дашкольнай установе   кожны год праходзіць выстава "Велікоднае цуда" напярэдадні свята  Вялікадня.  У якой актыўны ўдзел прымаюць бацькі, дзеці, педагогі. Яны ствараюць вырабы, паштоўкі, упрыгожваюць групы. Вось і гэты год не стаў выключэннем.  

 28 студзеня 2020 года педагогі нашай установы дашкольнай адукацыі наведалі дзяржаўную ўстанову адукацыі "Цэнтр карэкцыйна-развіваючага навучання і рэабелітацыі г.Масты"  Выхаванцам паказалі чароўную казку, прадстаўленую ў форме тэатра ценяў "Калядная зорачка".  

 17  студзеня 2020 года ў дашкольнай установе прайшлі  калядныя сустрэчы.  

   2019 кастрычнік, свята, прысвечанае Дню маці  і Пакровам Прасвятой Багародзіцы.  

  «Кніга памяці», як далучэнне дзяцей дашкольнага ўзросту да спадчыны Вялікай перамогі: інавацыйны падыход  

 V Беларускія Калядныя чытанні "Вялікая перамога: спадчына і нашчадкі».